Humly bókunar- og stöðuskjár

Þessi gagnvirki 8“ skjár frá Humly er fullkominn utan á fundarými. Hann sýnir hvar þú hefur bókað eða hvort viðkomandi rými sé laust fyrir fundi. Lausnin hefur hlotið fjölmörg verðlaun fyrir hönnun og viðmót, eins og frá Good Desgin. reddot, German Design Award, IF design award.

Um er að ræða tímalausa hönnun og hentar því afar vel inn nútíma fundarými. Lausnin sýnir ávallt hvort fundur sé í gangi eða ekki. Því þarf aldrei að trufla mögulega þá sem eru í fundarýminu. Hægt er að tengja lausnina við Microsoft Outlook/Exchange eða aðrar lausnir. Má þar nefna Google Workspace, Nexudus og Appspace.

Viðmót Humly skjásins byggir á opnum hugbúnaði og því einkar auðvelt að samþætta við aðrar lausnir. Hún er á íslensku og því einstaklega einföld í uppsetningu.

Humly leggur mikla áherslu á öryggisþætti og er í traustu samstarfi við öryggissérfræðinga sem framkvæma reglulega öryggispróf.

Athugið: Fyrir utan búnaðinn sjálfan þurfa notendur að kaupa leyfi fyrir honum.